೧೯೪೦ರಲ್ಲಿ ಬೆಳಕು ಕಂಡ ೨೭ ಗೀತೆಗಳ ಸಂಕಲನ ‘ರಾಗಿಣಿ’ ಮೊಟ್ಟಮೊದಲ ಕಾವ್ಯಕೃತಿ. ನಂತರ ಪ್ರಕಟಿಸಿದ್ದು ೧೧ ಕವನಸಂಕಲನಗಳು. ೨ ವಚನ ಕೃತಿಗಳು ; ಗಾದೆ ಮತ್ತು ಒಗಟುಗಳ ಪುಸ್ತಕ-೩ ; ಸೀಳುನೋಟ, ಅಕ್ಕಮಹಾದೇವಿ, ಭಾವಗೀತೆ ಮುಂತಾದ ೭ ವಿಮರ್ಶಾ ಗ್ರಂಥಗಳು. ಹಾಸ್ಯ ಮುಕ್ತಕಗಳ ಮೂಲಕ ಕಾವ್ಯದಲ್ಲಿ ಹಾಸ್ಯದ ಹೊನಲು ಹರಿಸಿದರು. ಸುಮಾರು ೩೦ಕ್ಕೂ ಮಿಕ್ಕು ಕೃತಿಯನ್ನು ಅನುವಾದಿಸಿದ್ದಾರೆ. ಅದರಲ್ಲಿ ಸಂಸ್ಕೃತದಿಂದ ಅನುವಾದಿಸಿದ್ದೇ ಹೆಚ್ಚು. ಕಾಳಿದಾಸನ ಸಮಗ್ರ ಕೃತಿಗಳನ್ನು ‘ಕಾಳಿದಾಸ ಮಹಾಸಂಪುಟ’ದಲ್ಲಿ ಅನುವಾದಿಸಿ ಕೊಟ್ಟಿದ್ದಾರೆ. ಕನ್ನಡ ಮತ್ತು ನಾನು, ಅರವತ್ತರ ಅರಳು ಮುಂತಾದ ೫ ಇತರ ಕೃತಿ ರಚಿಸಿದ್ದಾರೆ.